人生第一次食豬皮！因為running man所以要去弘大哈哈烤肉店潮聖，本來最愛五花腩，但呢度嘅燒豬頸肉太好味，非常香、有口感又唔會無晒d肉味，正！不過可能係d哥哥燒得好。話說哥哥們見我地幾個勁怕d豬皮油彈到，極度姐身姐腳，即刻睇唔過眼幫我地手燒，同埋將d肉剪成小塊。講返d豬皮，比我想像中好味，非常Q，又香，送酒無得輸，不過豬皮膠原蛋白太強，食太多d膠會令你好飽，所以4塊豬皮我地只係食咗一半已經好飽。整個韓燒dinner 最滿足係絕對無令我失望嘅米酒，連唔好酒嘅朋友仔都喜歡佢好清甜好順好易入口，愛死佢！😈
哈哈燒肉店即係401燒肉，係弘大地鐵出ext9，跟住穿過shopping 區（出咗地鐵見到堆小食店分义路轉右一路直行，見到H&M過馬路，跟停車場一路直行）過埋白色幢唱k building轉右，行2分鐘就到。其實行完弘大shopping 區，浴停車場行仲有勁多cafe，小舖同餐廳，ALand outlet 都係個度，worth a visit!
#seoul #首爾 #弘大
Search